Zv/Sekretari amerikan i Shtetit Xhejms Stainberg, tha se prokuroria duhet të mbetet larg ndërhyrjeve politike lidhur me hetimet për zbardhjen e ngjarjeve të 21 janarit, ku u vranë katër demonstrues.
Ai u takua në Tiranë me presidentin Bamir Topi, kryeministrin Sali Berisha, kryeprokuroren Ina Rama dhe shefin e opozitës, Edi Rama.
Stainberg gjendet në Tiranë në kuadër të përpjekjeve për të zgjidhur krizën politike që përfshiu Shqipërinë pas protestës së 21 janarit.