Takimi i jashtëzakonshëm i vendeve të BE-së, Ligës Arabe dhe Shteteve të Bashkuara në Paris ka përfunduar me njoftimin për ndërhyrje ushtarake në Libi.
Presidenti amerikan, Barak Obama, tha se SHBA-të dhe vendet e koalicionit janë të gatshme të veprojnë menjëherë për t'i dhënë fund dhunës ndaj civilëve.
"Konsensusi ynë është i fortë dhe vendosmëria jonë është e qartë. Populli i Libisë duhet të mbrohet", ka thënë Obama në Brazil, ku ka filluar turneun në Amerikën Latine.
Presidenti francez, Nikolas Sarkozi, tha se avionët ushtarakë të Francës tashmë fluturojnë mbi hapësirën e Libisë.
Aeroplanët dhe luftanijet e SHBA-ve janë të gatshme për veprime ushtarake, por nuk marrin pjesë në fushatën fillestare ajrore, të cilën po e udhëheq Franca.
Pjesëmarrjen në operacionet mbi Libi e kanë e konfirmuar edhe Katari, Belgjika, Danimarka, Norvegjia, Holanda e Spanja, ndërkaq Kanadaja ka bërë të ditur se do të dërgojë shtatë aeroplanë luftarakë.
Presidenti amerikan, Barak Obama, tha se SHBA-të dhe vendet e koalicionit janë të gatshme të veprojnë menjëherë për t'i dhënë fund dhunës ndaj civilëve.
"Konsensusi ynë është i fortë dhe vendosmëria jonë është e qartë. Populli i Libisë duhet të mbrohet", ka thënë Obama në Brazil, ku ka filluar turneun në Amerikën Latine.
Presidenti francez, Nikolas Sarkozi, tha se avionët ushtarakë të Francës tashmë fluturojnë mbi hapësirën e Libisë.
Aeroplanët dhe luftanijet e SHBA-ve janë të gatshme për veprime ushtarake, por nuk marrin pjesë në fushatën fillestare ajrore, të cilën po e udhëheq Franca.
Pjesëmarrjen në operacionet mbi Libi e kanë e konfirmuar edhe Katari, Belgjika, Danimarka, Norvegjia, Holanda e Spanja, ndërkaq Kanadaja ka bërë të ditur se do të dërgojë shtatë aeroplanë luftarakë.
