Këshilli i Sigurimit i Kombeve të Bashkuara do ta shqyrtojë të enjten raportin tremujor të kreut të OKB-së për gjendjen në Kosovë.
Në raportin e tij, Ban Ki-mun shpreh kënaqësi për fillimin e dialogut Prishtinë-Beograd, duke vlerësuar se mbajtja e rregullt e takimeve me ndihmën e BE-së është "zhvillim inkurajues".
Ban u ka bërë thirrje të dyja palëve të forcojnë angazhimin dhe t'i dyfishojnë përpjekjet për t'i harmonizuar qëndrimet në çështjet kryesore të bisedimeve.
Sekretari i përgjithshëm i OKB-së gjithashtu bën thirrje për hetime të paanshme dhe të pavarura mbi trafikimin e organeve, si dhe për një program të fuqishëm të mbrojtjes së dëshmitarëve.
"UNMIK-u është i gatshëm të zgjërojë bashkëpunimin e plotë të tij me çdo hetim që do të zhvillohet", ka thënë Ban Ki-mun në raportin për gjendjen në Kosovë në periudhën 16 janar - 15 prill, 2001.
