Ndërlidhjet

KQZ në orën 10 e vazhdon mbledhjen për rinumërimin


Komisioni Qëndror Zgjedhor i Shqipërisë pritet të nis mbledhjen e radhës sot në orën 10 për të proceduar më tej me ri-numërimin e votave nga kutitë e votimit të zgjedhjeve lokale të tetë majit.

Fjala është për fletat e votimit për kryetar të bashkisë, ku votuesi ka shprehur qartë qëndrimin e tij, por i ka hedhur në kutinë e gabuar.

Në kutitë e Tiranës janë gjetur jo pak vota të tilla, të cilat tashmë po rinumërohen. Megjithatë, Partia Socialiste, është shprehur e shqetësuar pasi ata vlerësojnë se KQZ dëshiron ta përmbysë rezultatin në të mirë të kandidatit nga Partia Demokratike e Shqipërisë.

Kandidati socialist, Edi Rama, ka thënë se ka fituar me 10 vota më shumë se kundërkandidati demokrat, Lulzim Basha, mirëpo ky rezultat nuk është zyrtarizuar nga KQZ.

Ndërkaq, tensionet në Tiranë janë rritur gjatë ditës së djeshme, jo vetëm për shkak se deputetë socialistë tentuan të hyjnë me forcë në ambientet e KQZ-së, por edhe për shkak se kryetari i Grupit parlamentar të socialistëve, Gramoz Ruçi, ka paralajmëruar revoltë popullore si zgjidhje të vetme për atë që e cilësojnë numërim policor të votës.
XS
SM
MD
LG