Ndërlidhjet

Ndërron jetë ish sekretari amerikan i shtetit, Igëllburger


Lorens S. Igëllburger, i vetmi oficer i karrierës të shërbimit të jashtëm të SHBA-ve që u ngrit në detyrën e Sekretarit të Shtetit, ka vdekur sot në moshën 80 vjeçare.

Igëllburger ka vdekur në Virxhinia pas një sëmundje të shkurtër.

Gjatë karrierës së tij diplomatike, Igëllburger ka qenë i dërguar në disa misione të vështira diplomatike, duke punuar në problemet e Lindjes së Mesme, ribashkimin e Gjermanisë dhe shkatërrimin e Unionit Sovjetik.

Presidenti Barak Obama, e ka quajtur Igëllburgerin një burrshtetas që “i ka kushtuar jetën e tij sigurisë së popullit tonë dhe fuqizimit të lidhjeve tona me aleatët dhe partnerët tanë”.

Dy nga ish shefat e tij, ish Presidenti Xhorxh Bushi i vjetër dhe ish sekretari i shtetit, Xhejms Bejker III, gjithashtu e kanë vlerësuar pozitivisht shërbimin e tij.
XS
SM
MD
LG