Ndërlidhjet

Sulmi në xhami, rritet në 51 numri i viktimave


Zyrtarët pakistanezë thonë se numri i të vdekurve nga sulmi vetëvrasës në xhaminë e Pakistanit, ka arritur në 51.

Zyrtari i qeverisë lokale, Khalid Mumtaz Kundi, i tha AFP-së se nga njoftimet e fundit është konfimuar se 121 persona janë plagosur.

Shpërthimi thuhet se erdhi nga një sulmues vetëvrasës, në kohën kur besimtarët ishin tubuar për faljen e Xhumasë.

Zëdhënësi i talibanëve, i cili e identifikoi veten si Mohamed Talha, ka marrë përgjegjësinë për sulmin në emër të grupit militant “Tehreek-e-Taliban Pakistan”.

"Ne jemi duke luftuar kundër tyre dhe nëse dikush dëshiron të luftojë me ne, do ta ketë fatin e njëjtë", tha ai.
XS
SM
MD
LG