Ndërlidhjet

OKB kërkon ndihmë për 12 milionë njerëz pa shtetësi


Agjencia e Kombeve të Bashkuara për Refugjatë, (UNHCR), u ka bërë thirrje vendeve për t’i ndihmuar më se 12 milionë njerëz pa shtetësi në botë.

Komisionari i Lartë i OKB-së për Refugjatë, Antonio Guteres, tha sot se njerëzit pa shtetësi kanë probleme në arsim, kujdes shëndetësor, banim dhe punësim.

Pashtetësia paraqitet për disa arsye, prej refuzimit për dhënien e shtetësisë, siç ishte rasti i kurdëve nën regjimin e Sadam Huseinit në Irak, e deri te shkatërrimi i shteteve, siç ishte rasti i ish Jugosllavisë.

Kombet e Bashkuara thonë se problemi është veçanërisht i ndjeshëm në Azinë Juglindore, Azinë Qendrore, Evropën Lindore dhe në Lindjen e Mesme.

Deri tash, vetëm 38 vende e kanë nënshkruar Konventën Ndërkombëtare për Reduktimin e Pashtetësisë, e cila më 30 të këtij muaji e shënon 50 vjetorin e nënshkrimit.
XS
SM
MD
LG