Presidentja e Kosovës, Atifete Jahjaga, tha se terrorizmi vazhdon të jetë rreziku më i madh dhe më serioz për njerëzimin dhe se askush nuk mund të injorojë ose të qëndrojë indiferent ndaj këtij kërcënimi.
Përmes një deklarate të lëshuar me rastin e përvjetorit të dhjetë të 11 Shtatorit, Jahjaga theksoi përkushtimin e institucioneve kosovare për krijimin e një shoqërie, në të cilën “nuk do të ketë më asnjëherë vend për terrorizëm”, ndërsa shprehu solidarizimin me Shtetet e Bashkuara dhe familjarët e viktimave të ngjarjeve të vitit 2001.
“Në këtë dhjetëvjetor të dhimbshëm për gjithë qytetarët amerikanë, shprehim solidaritetin më të madh me familjarët e viktimave. Sulmi i shëmtuar i 11 shtatorit duhet të shërbejë si kujtesë e përhershme për gjithë njerëzimin se një gjë e tillë nuk duhet lejuar të ndodhë më kurrë”, thuhet, ndër të tjera, në deklaratën e presidentes kosovare.
Përmes një deklarate të lëshuar me rastin e përvjetorit të dhjetë të 11 Shtatorit, Jahjaga theksoi përkushtimin e institucioneve kosovare për krijimin e një shoqërie, në të cilën “nuk do të ketë më asnjëherë vend për terrorizëm”, ndërsa shprehu solidarizimin me Shtetet e Bashkuara dhe familjarët e viktimave të ngjarjeve të vitit 2001.
“Në këtë dhjetëvjetor të dhimbshëm për gjithë qytetarët amerikanë, shprehim solidaritetin më të madh me familjarët e viktimave. Sulmi i shëmtuar i 11 shtatorit duhet të shërbejë si kujtesë e përhershme për gjithë njerëzimin se një gjë e tillë nuk duhet lejuar të ndodhë më kurrë”, thuhet, ndër të tjera, në deklaratën e presidentes kosovare.