SHBA paralajmëron se do të mbrohet nga sulmet në Pakistan

Sekretari amerikan i Mbrojtjes, Leon Paneta, ka paralajmëruar Pakistanin se Uashingtoni do të bëjë gjithçka të mundur për të mbrojtur forcat amerikane nga sulmet e militantëve pakistanezë drejt Afganistanit.

Komentet e tij pasojnë sulmet e militantëve në ambasadën e Shteteve të Bashkuara dhe në selinë e NATO-s në Kabul.

Gjashtëmbëdhjete njerëz kanë humbur jetën në betejën që ka zgjatur rreth 20 orë.

Paneta ka fajësuar rrjetin Hakani – një grup me seli në Pakistan dhe aleat me Al Kaidën dhe Talibanët.