Asambleja e OKB-së njeh Këshillin e Tranzicionit në Libi

Asambleja e Përgjithshme e OKB-së ka votuar të premten pro njohjes së Këshillit Kombëtar të Tranzicionit si përfaqësues zyrtar i Libisë në organizatën ndërkombëtare.

Me këtë hap, asambleja 193-anëtarëshe lejon të dërguarin e Këshillit të zërë postin e emisarit të Muamer Gadafit në Kombet e Bashkuara dhe të marrë pjesë në debatet e seancës së 66-të.

Këshilli i Sigurimit i Kombeve të Bashkuara është duke përgatitur vendosjen e një misioni në Libi, në mbështetje të Këshillit Kombëtar të Tranzicionit.