OKB shpreh shqetësimin rreth të drejtave të njeriut në Iran

Komiteti për të drejtat e njeriut i Kombeve të Bashkuara, ka shprehur shqetësimet rreth të drejtave të minoriteteve fetare e etnike, si dhe rreth numrit në rritje të ekzekutimeve në vend.

Komiteti njoftoi se kishte shqetësime rreth diskriminimit dhe arrestimit të vazhdueshëm të minoriteteve fetare e etnike si dhe homoseksualëve.

Poashtu, shqetësuese është cilësuar edhe frekuenca e dënimeve të vendosura për të miturit, duke alarmuar për përkufizime të paqarta dhe gamë të gjerë të veprave penale për të cilat është përdorur.