Ndërlidhjet

Egjipt: Morsi e Shafik, në balotazhin presidencial


Kandidati i Vëllazërisë Myslimane Mohamed Morsi(majtas) dhe ish kryeministri Ahmed Shafik
Kandidati i Vëllazërisë Myslimane Mohamed Morsi(majtas) dhe ish kryeministri Ahmed Shafik
Trupi që mbikëqyr zgjedhjet presidenciale në Egjipt ka thënë se në balotazhin presidencial, që mbahet më 16 dhe 17 qershor, do të garojnë kandidati i Vëllazërisë Myslimane Mohamed Morsi dhe Ahmed Shafik, kryeministri i fundit nën administratën e presidentit të rrëzuar Hosni Mubarak.

Komisioni Zgjedhor në një konferencë për gazetarë tha se pjesëmarrja në zgjedhje ishte 46. 2 për qind.

Më herët u raportua se Morsi dhe Shafik, së bashku me një kandidat tjetër, Hamdin Sabahi, nga partia majtiste, al-Karamah, kanë dorëzuar ankesat në komisionin zgjedhor, duke pretenduar se ka pasur shkelje zgjedhore në votimin e 23 dhe 24 majit.

Dymbëdhjetë kandidatë kanë marrë pjesë në zgjedhjet, të cilat erdhën më shumë se një vit pas rrëzimit të Mubarakut në shkurt të 2011-ës, rrëzim ky i detyruar nga demonstratat masive kundër regjimit të tij.
XS
SM
MD
LG