Ndërlidhjet

Afganistan: Është vrarë një ushtar britanik


Kryeministri britanik Dejvid Kamerun, gjatë vizitës së ushtarëve britanikë në provincën Helmand në muajin korrik të këtij viti
Britania ka konfirmuar sot se një ushtar i saj është vrarë në Afganistan.

Në kumtesë, ministria e mbrojtjers e Britanisë tha se ushtari kishte vdekur nga zjarri armiqësor në qarkun Nahr-e Saraj, në provincën jo të qetë Helmand, ditën e premte.

Nuk janë dhënë detaje të tjera.

Sipas kumtesës, numri i ushtarëve britanikë të vrarë në Afganistan, ka arritur në 425, ndërsa 385 prej tyre janë vrarë nga zjarri armiqësor.

Britania i ka afro 9500 ushtarë në Afganistan, dhe pas Shteteve të Bashkuara, është kontribuesi më i madh në Forcën Ndërkombëtare Ndihmëse të Sigurisë në Afganistan.

Ushtarët britanikë e kanë bazën në provincën Helmand, ku ata po i luftojnë kryengritësit talibanë dhe po i stërvisin forcat e sigurisë së Afganistanit.
XS
SM
MD
LG