Ndërlidhjet

Aktivistët: 320 viktima nga masakra në Daraja


Siri
Siri
Aktivistët sirianë kanë raportuar se numri i viktimave të gjetura në qytetin Daraja ka arritur në 320. Aktivistët kanë thënë se 80 prej tyre janë identifikuar, ndërsa të tjerët janë në proces, raporton AFP.

Agjencia shtetërore e lajmeve, në anën tjetër, ka thënë se “forcat tona heroike kanë pastruar Darajan nga mbetjet e grupeve të armatosura terroriste”.

Britania e Madhe ka shprehur “shqetësim të madh” për ngjarjen, e cila ka ndodhur të shtunën pas një sulmi të dyshuar të ushtrisë siriane.

“Jam thellësisht i shqetësuar nga raportet që flasin për një masakër brutale të civilëve në Daraja, në periferi të Damaskut”, ka thënë ministri i Jashtëm, Alister Bërt.

Ngjarja ka ndodhur në të njëjtën ditë, kur Këshilli Kombëtar i Sirisë u ka bërë thirrje Kombeve të Bashkuara dhe Ligës Arabe të ndërhyjnë për të parandaluar “katastrofën” në provincën e rrethuar të Homsit.
XS
SM
MD
LG