Kryeministri i Kosovës, Hashim Thaçi, ka shprehur bindjen për krijimin e shpejtë të komunës së Mitrovicës veriore.
Thaçi, në Konferencën III Ndërkombëtare për Vetëqeverisjen Lokale, ka pranuar se sfidat janë të mëdha, për pjesën veriore të qytetit, e cila është e banuar me shumicë serbe dhe nuk e njeh autoritetin e Prishtinës.
“Kam besim se edhe kjo komunë do të krijohet shumë shpejt, dhe gjithnjë duke u bazuar në suksesin e integrimit, në veçanti të komunitetit serb në jug, por edhe komuniteteve tjera në përgjithësi”, ka thënë Thaçi.
Ai ka përmendur hapjen e Zyrës Administrative në veri të Mitrovicës, duke thënë se aktualisht, për qytetarët në atë pjesë, kjo zyrë po ofron dokumente bazike, regjistrime, dhe shërbime lokale të nevojshme për jetën e përditshme.
“Kemi qenë të inkurajuar me numrin e madh të të interesuarve, shumica prej të cilëve nga komuniteti serb, që kanë shprehur interesimin dhe gatishmërinë për të udhëhequr dhe shërbyer për komunitetin e tyre. Po ashtu, edhe tani jemi të inkurajuar me numrin e madh të qytetarëve që për çdo ditë i drejtohen kësaj Zyre për nevojat e tyre të përditshme. Prandaj, si përfundim, bazuar në shembujt e suksesit lidhur me decentralizimin dhe krijimin e komunave të reja në Kosovë, mund të themi se kemi shënuar progres substancial në përmirësimin e klimës ndëretnike dhe integrimin e minoriteteve”, ka thënë ndër të tjera, kryeministri Thaçi.
Me planin për decentralizim është paraparë formimi i komunës veriore të Mitrovicës.
Në fund të muajit gusht është mbajtur takimi përfundimtar i Grupit punues për decentralizimin, i cili me gjithë synimet, nuk arriti që të jetësojë formimin e komunës së re të Mitrovicës Veriore, siç parashihej me planin Ahtisari.
Thaçi, në Konferencën III Ndërkombëtare për Vetëqeverisjen Lokale, ka pranuar se sfidat janë të mëdha, për pjesën veriore të qytetit, e cila është e banuar me shumicë serbe dhe nuk e njeh autoritetin e Prishtinës.
“Kam besim se edhe kjo komunë do të krijohet shumë shpejt, dhe gjithnjë duke u bazuar në suksesin e integrimit, në veçanti të komunitetit serb në jug, por edhe komuniteteve tjera në përgjithësi”, ka thënë Thaçi.
Ai ka përmendur hapjen e Zyrës Administrative në veri të Mitrovicës, duke thënë se aktualisht, për qytetarët në atë pjesë, kjo zyrë po ofron dokumente bazike, regjistrime, dhe shërbime lokale të nevojshme për jetën e përditshme.
“Kemi qenë të inkurajuar me numrin e madh të të interesuarve, shumica prej të cilëve nga komuniteti serb, që kanë shprehur interesimin dhe gatishmërinë për të udhëhequr dhe shërbyer për komunitetin e tyre. Po ashtu, edhe tani jemi të inkurajuar me numrin e madh të qytetarëve që për çdo ditë i drejtohen kësaj Zyre për nevojat e tyre të përditshme. Prandaj, si përfundim, bazuar në shembujt e suksesit lidhur me decentralizimin dhe krijimin e komunave të reja në Kosovë, mund të themi se kemi shënuar progres substancial në përmirësimin e klimës ndëretnike dhe integrimin e minoriteteve”, ka thënë ndër të tjera, kryeministri Thaçi.
Me planin për decentralizim është paraparë formimi i komunës veriore të Mitrovicës.
Në fund të muajit gusht është mbajtur takimi përfundimtar i Grupit punues për decentralizimin, i cili me gjithë synimet, nuk arriti që të jetësojë formimin e komunës së re të Mitrovicës Veriore, siç parashihej me planin Ahtisari.