Ministri i Mbrojtjes i Britanisë së Madhe ka njoftuar për vdekjen e dy ushtarëve britanezë në Afganistan.
Ministri i Mbrojtjes tha se një pjesëtar i Marinës Mbretërore dhe një ushtarë nga reparti mjektësor kanë vdekur pas plagëve të marra gjatë një patrullimi në distriktin Nahr-e Saraj, në provincën jugore Helmand.
Deklarata e tij nuk tregoi hollësi të tjera lidhur me rrethanat e vrasjes së tyre.
Agjencia e lajmeve AP njofton se këto dy vrasje e çojnë në gjithsej 435 shifrën e personelit britanez të vrarë në Afganistan që nga viti 2001.
