Ish-kryeministri i Ukrainës, Pavlo Lazarenko raportohet se është lëshuar nga një burg federal në Kaliforni të SHBA-ve, pasi qëndroi për më shumë se 8 vjet prapa grilave.
Një punëtor i burgut citohet të ketë thënë se Lazarenko doli nga një qendër korrektuese në Los Angleles gjatë ditës së djeshme, ashtu edhe siç kishte paralajmëruar avokati i tij.
Lazarenko, i cili ishte kryeministër i Ukrainës nga viti 1996 deri më 1997, iku për në SHBA në vitin 1999.
Ai ishte shpallur fajtor për shpëlarje parash, për mashtrim dhe për zhvatje, në vitin 2004.
Avokati i tij ka vlerësuar se Lazarenko fizikisht do të ishte i rrezikuar po të kthehej në Ukrainë.
