Ndërlidhjet

Egjipt: U shty procesi kundër Mubarakut


Ish-presidenti Hosni Mubarak gjatë paraqitjes së tij në gjykatë në muajin Prill të këtij viti
Ish-presidenti Hosni Mubarak gjatë paraqitjes së tij në gjykatë në muajin Prill të këtij viti
Një gjykatë në Egjipt e ka shtyrë procesin e ripërtrirë të ish-presidentit Hosni Mubarak, deri më 25 të këtij muaji.

Këtë datë e ka shpallur gjyqtari kryesues, Mahmoud al-Rashid, pas një sesioni të shkurtër në një gjykatë në kryeqytetin Kajro.

Rritja e trazirave në Egjipt e ka penguar sjelljen e Mubarakut dhe të të akuzuarve të tjerë në gjykatë nga burgu.

Ish-lideri egjiptian është i akzuar për bashkëpjesëmarrje në vrasje të protestuesve gjatë trazirave në vitin 2011, që e detyruan Mubarakun të tërhiqet.

Mubaraku mbahet në burgun Tora jashtë Kajros.

Anëtarë të lartë të lëvizjes Vëllazëria Myslimane të presidentit të përmbysur nga ushtria, Muhammad Morsi, mbahen në po këtë burg, prej se ata u arrestuan, pas përmbysjes së Morsit më 3 Korrik të këtij viti.
XS
SM
MD
LG