Shkrimtari më i njohur shqiptar në botë, Ismail Kadare së bashku me bashkëshorten e tij, Helena Kadare janë pritur nga presidentja e Kosovës, Atifete Jahjaga.
Përmes një komunikate të presidencës kosovare, mediat janë njoftuar se gjatë takimit është biseduar për “çështje të ndryshme politike, shoqërore e kulturore dhe për proceset demokratike nëpër të cilat po kalon Kosova sot”.
Shkrimtari shqiptar që është fitues i çmimeve “Prince of Asturia” dhe “Man Booker Prize”, po qëndron në Kosovë pasi është nderuar me çmimin ndërkombëtar, “Ali Podrimja” nga presidentja e Kosovës është quajtur, “frymëzim për të gjitha gjeneratat”.
Presidentja Jahjaga ka thënë “se kontributi i zotëri Kadare për Kosovën, në shtypin dhe diplomacinë botërore, është i jashtëzakonshëm dhe me ndikim të madh”.
“Shkrimtari Ismail Kadare e përgëzoi Presidenten Jahjaga për punën dhe angazhimin e saj, me theks të veçantë në kontributin që ajo ka dhënë në ngritjen e imazhit të Kosovës në botë. Shkrimtari Ismail Kadare foli edhe për perspektivën evropiane të Kosovës, të Shqipërisë dhe të gjithë Ballkanit, duke theksuar se kjo është zgjidhja e natyrshme për secilin vend të rajonit”, thuhet në fund të komunikatës së presidencës kosovare.
Përmes një komunikate të presidencës kosovare, mediat janë njoftuar se gjatë takimit është biseduar për “çështje të ndryshme politike, shoqërore e kulturore dhe për proceset demokratike nëpër të cilat po kalon Kosova sot”.
Shkrimtari shqiptar që është fitues i çmimeve “Prince of Asturia” dhe “Man Booker Prize”, po qëndron në Kosovë pasi është nderuar me çmimin ndërkombëtar, “Ali Podrimja” nga presidentja e Kosovës është quajtur, “frymëzim për të gjitha gjeneratat”.
Presidentja Jahjaga ka thënë “se kontributi i zotëri Kadare për Kosovën, në shtypin dhe diplomacinë botërore, është i jashtëzakonshëm dhe me ndikim të madh”.
“Shkrimtari Ismail Kadare e përgëzoi Presidenten Jahjaga për punën dhe angazhimin e saj, me theks të veçantë në kontributin që ajo ka dhënë në ngritjen e imazhit të Kosovës në botë. Shkrimtari Ismail Kadare foli edhe për perspektivën evropiane të Kosovës, të Shqipërisë dhe të gjithë Ballkanit, duke theksuar se kjo është zgjidhja e natyrshme për secilin vend të rajonit”, thuhet në fund të komunikatës së presidencës kosovare.