Ndërlidhjet

Erdogan dëshiron të bëhet president i Turqisë


Fotografi arkivi e presidentit turk, Abdullah Gul dhe kryeministrit turk, Recep Tayip Erdogan
Fotografi arkivi e presidentit turk, Abdullah Gul dhe kryeministrit turk, Recep Tayip Erdogan
Kryeministrit turk, Recep Tayip Erdogan po i rriten mundësitë për të kandiduar për postin e presidentit të Turqisë, raporton agjenca e lajmeve, Reuters.

I akuzuar shpesh për udhëheqje autoritare, sidomos me politikat kundër demonstratave në qershor, ka ndërmarr një hap para drejt asaj që ai shpreson të jetë një presidencë më e fuqishme ekzekutive.

Ai së fundi për këtë e ka marrë mbështetjen edhe të dy zyrtarëve të lartë turkë që publikisht e kanë përkrahur kandidaturën e tij.

Deri në zgjedhjet presidenciale ka mbetur më pak se një vit kohë, ndërsa spekulimet për kandidimin e tij po shtohen çdo herë e më shumë.

Zgjedhja e presidentit në vitin e ardhshëm do të jetë e para herë kur populli do e vendosë direkt udhëheqësin e shtetit, post që tani e mban Abdullah Gul, një nga themeluesit e AKP-së, partisë për drejtësi me rrënjë islamike.

Të dy zyrtarët sipas Reuters janë aleat, por marrëdhëniet e tyre ka pasur raste kur janë keqësuar sidomos pas shtypjes së protestave popullore kundër Erdoganit që u mbajtën gjatë kësaj vere.

Erdogani, i cili e ka dominuar politikën turke për një dekadë, nuk mund të garojë për kryeministër në vitin 2015 pasi këtë nuk e lejojnë rregullat e partisë.

Që një kohë të gjatë ai është përmendur për postin e presidentit i cili së fundi është fuqizuar me pushtet ekzekutiv, por plani i tij për këtë sipas Reuters ka hasur në pengea.

Gul, në sondazhet e fundit është paraqitur si më i popullarizuar, dhe se një kandidim i sërishëm i tij për një mandat të dytë është i mundëshëm edhe ligjërisht.

Ai, megjithatë ende nuk ka thënë nëse do të kandidojë apo jo.

Derisa një konfrontim i hapur në mes të Erdoganit dhe Gulit nuk duket në horizont, dallimet në mes të dy politikanëve janë bërë më të dukshme kohëve të fundit.
XS
SM
MD
LG