Mumbai: 60 të vdekur nga rrëzimi i ndërtesës

Në Mumbai të Indisë kanë përfunduar kërkimet për të mbijetuar nga shembja e një ndërtese.

Zyrtarë të emergjencës kanë thënë se numri përfundimtar i të vdekurve është 60.

Ekipet e shpëtimit kanë arritur të nxjerrin të gjallë 33 njerëz nga rrënojat e ndërtesës.

Godina pesëkatëshe është rrëzuar të premten, ndërsa shkaqet e kolapsit janë duke u hetuar.