Irlanda në referendum për dhomën e lartë të parlamentit

Votuesit irlandezë janë duke votuar sot në një referendum në të cilin do të vendoset për mbylljen ose jo të dhomës së lartë të parlamentit.

Derisa qeveria e arsyeton mbylljen e kësaj dhome me mungesën e fondeve, kritikët thonë se kjo është vetëm një përpjekje për të koncentruar pushtetin në duart e qeverisë.

Megjithatë, sondazhet e bëra para referendumit, tregojnë së shumica e votuesve janë pro mbylljes së kësaj dhome, meqë shumë nga anëtarët e saj, ose kanë dështuar, ose aspirojnë të hyjnë në dhomën e ulët të parlamentit, e cila është dukshëm më e fuqishme.