SHBA: Një person e ndezi vetveten në Uashington

Një person në Uashington mbrëmë vonë e ka ndezur vetveten, derisa ekipet e zjarrfikësve arritën me të shpejtë në vendin e ngjarjes.

Një dëshmitare ka thënë se e kishte parë njeriun, i cili e kishte derdhur një kanistër me benzinë në kokën e tij dhe pastaj ishte ndezur.

Personi i paidentifikuar është dërguar në spital dhe është në gjendje tejet kritike shëndetësore.

Incidenti ndodhi në një pjesë të një parku, disa blloqe nga hapësira ku gjendet Kapitolli, ku një ditë më parë, një ndjekje e një automobili nga ana e policisë, afër Shtëpisë së Bardhë, përfundoi me të shtëna.