Ndërlidhjet

Greqia "do të dalë nga recesioni më 2014"


Ilustrim
Greqia do të dalë nga recesioni në vitin 2014, me një rritje ekonomike prej 0.6 për qind. Kjo, sipas projekt-buxhetit që ka prezantuar sot Qeveria greke.

"Parashohim dalje nga recesioni më 2014. Sakrificat që ka përjetuar populli grek, pas një periudhe të dhimbshme, kanë dhënë rezultate. Kemi shenjat e parë për dalje nga kriza vitin e ardhshëm", ka thënë zv/ministri grek i Financave, Hristos Staikuras.

Greqia ndodhet në vitin e gjashtë të recesionit.

Projekt-buxheti po ashtu parasheh që në vitin 2014 të ketë suficit prej 2.8 miliardë eurosh, ose 1.6 për qind të bruto prodhimit vendor.

Arritja e suficitit buxhetor është kusht kryesor për vendin që të nisë negociatat me kreditorët ndërkombëtarë për tejkalim të krizës së borxheve.
XS
SM
MD
LG