Ndërlidhjet

Ukrainë: Policia ka hedhur gaz lotësjellës kundër protestuesve


Pamje nga protesta në Kiev në të cilën kërkohej integrimi në Bashkimin Evropian
Raportohet se policia e Ukrainës ka hedhur gaz lotësjellës kundër protestuesve, që janë mbledhur në kryqytetin Kiev, për të kërkuar vazhdimin e procesit të integrimit në Bashkimin Evropian.

Dhjetëra mijëra demonstrues sot kanë protestuar kundër vendimit të qeverisë për pezullimin e bisedimeve për arritjen e Marrëveshjes për Asocim me Bashkimin Evropian.

Afro 50 mijë pjesëmarrës kanë bartur flamuj të BE-së dhe të Ukrainës dhe kanë brohoritur “Ukraina është Evropë”, derisa kanë marshuar nëpër qendër të Kievit.

Nga ana tjetër, mbështetësit e partisë në qeveri, Partia e Rajoneve, e kanë organizuar një tubim rival, shumë më të vogël, jo larg vendit ku mbahej demonstrata për BE-në.

Disa ligjvënës nga kjo parti, u thanë pjesëmarrësve se Ukraina nuk duhet të ngutet për integrim në BE, por duhet të ketë dialog me Rusinë.
XS
SM
MD
LG