Ndërlidhjet

Rinisin bisedimet për Iranin


Ilsutrim
Ekspertët nga Irani dhe gjashtë fuqitë botërore kanë rinisur bisedimet në Gjenevë, për mënyrën se si të zbatohet marrëveshja bërthamore.

Sipas marrëveshjes së përkohshme, të arritur muajin e kaluar, Irani do të ndalojë disa aktivitete bërthamore, në këmbim të lehtësimit të sanksioneve ndërkombëtare.

Të enjten e kaluar, Irani ka ndërprerë bisedimet, në shenjë proteste ndaj Uashingtonit, i cili ka futur në listën e zezë kompani të reja, në bazë të sanksioneve ekzistuese.

Teherani ka thënë se ky veprim ka qenë në kundërshtim me frymën e marrëveshjes së përkohshme.

Gjashtë fuqitë botërore, Shtetet e Bashkuara, Rusia, Kina, Britania, Franca dhe Gjermania, duan që të zvogëlojnë programin atomik të Iranit, për ta parandaluar atë nga zhvillimi i armës atomike.

Irani e mohon një synim të tillë.
XS
SM
MD
LG