Ndërlidhjet

Pengu i Al Kaidës kërkon ndihmë nga Obama


Warren Weinstein
Warren Weinstein
Një shtetas amerikan, i rrëmbyer në Pakistan në vitin 2011, i ka bërë thirrje presidentit të Shteteve të Bashkuara, Barack Obama, që të negociojë lirimin e tij.

Në një video dërguar gazetarëve në Pakistan, Warren Weinstein thotë se ndjehet krejtësisht i braktisur dhe i harruar, pasi është mbajtur për dy vjet nga Al Kaida në Pakistan.

Lëvizja islamike kërkon ndalimin e sulmeve ajrore amerikane në Afganistan, Pakistan, Somali dhe Jemen, në këmbim të lirimit të Weinsteinit.

Shtëpia e Bardhë ka kërkuar lirimin e tij të menjëhershëm, por ka thënë se Uashingtoni nuk do të negociojë me grupin terrorist.

Weinstein, 72 vjeç, është marrë nga shtëpia e tij në qytetin Lahore, në gusht të vitit 2011.

Ai ka qenë drejtor i firmës J.E. Austin Associates në Pakistan.

Firma, me seli në Uashington, këshillon një gamë biznesesh të Pakistanit dhe departamenteve qeveritare.
XS
SM
MD
LG