Shqipëri: Ndalohet gjuetia për t’i mbrojtur shtazët

Autoritetet në Shqipëri sot kanë njoftuar se do ta ndalojnë për dy vjet gjuetinë e kafshëve për t’i mbrojtur ato nga zhdukja.

Ministri i ambientit, Lefter Koka, tha se ndalesa ishte e domosdoshme për t’i mbrojtur llojet e kafshëve, numri i të cilave ka rënë në mënyrë dramatike, pas dy dekadave të gjuetisë intensive.

“Ne ishim të detyruar të miratojmë masa strikte për t’i mbrojtur llojet e rrezikuara nga gjuetia ilegale”, i tha agjencisë AFP, ministri Koka.

Por, Astrit Beko, nga Asociacioni i Gjuetarëve të Shqipërisë, e ka fajësuar qeverinë për dështim të zbatimit të kontrollit.

“Paaftësia e autoriteteve për ta kontrolluar gjuetinë dhe tregtinë ilegale me kafshë të egra është prapa kësaj masakre të patoleruar”, tha Beko.

Pritet që kjo ndalesë të paraqitet këtë muaj.