Në Bruksel sot ka filluar rundi i ri i dialogut ndërmjet Kosovës e Serbisë, që mbahet në nivel të kryeministrave, me ndërmjetësimin e përfaqësueses së lartë të Bashkimit Evropian për politikë të jashtme dhe siguri, Catherine Ashton.
Siç kanë njoftuar zyrtarë të BE-së, tashmë ka filluar takimi nddërmjet kryeministrit të Kosovës, Hashim Thaçi, dhe zonjës Ashton. Pastaj mbahet takimi ndërmjet zonjës Ashton dhe kryeministrit të Serbisë, Ivica Daçiqi, i cili shoqërohet nga zëvendëskryeministri, Aleksandar Vuçiq.
Pritet që të ketë edhe një takim tripalësh.
Para takimit zoti Thaçi u tha gazetarëve se do të diskutohet për arritjen e marrëveshjes përfundimtare për çështjen e sistemit të drejtësisë dhe “funksionalizimin e plotë në pjesën veriore sipas ligjeve dhe Kushtetutës së Kosovës”.
Në këtë kuadër ai theksoi se “në takimin e fundit ne kemi arritur marrëveshje në parim, ndërsa sot pres edhe zyrtarizimin e kësaj marrëveshjeje”.
Siç kanë njoftuar zyrtarë të BE-së, tashmë ka filluar takimi nddërmjet kryeministrit të Kosovës, Hashim Thaçi, dhe zonjës Ashton. Pastaj mbahet takimi ndërmjet zonjës Ashton dhe kryeministrit të Serbisë, Ivica Daçiqi, i cili shoqërohet nga zëvendëskryeministri, Aleksandar Vuçiq.
Pritet që të ketë edhe një takim tripalësh.
Para takimit zoti Thaçi u tha gazetarëve se do të diskutohet për arritjen e marrëveshjes përfundimtare për çështjen e sistemit të drejtësisë dhe “funksionalizimin e plotë në pjesën veriore sipas ligjeve dhe Kushtetutës së Kosovës”.
Në këtë kuadër ai theksoi se “në takimin e fundit ne kemi arritur marrëveshje në parim, ndërsa sot pres edhe zyrtarizimin e kësaj marrëveshjeje”.