Dhjetëra viktima nga sulmet në Bagdad

Në Bagdad kanë ndodhur disa shpërthime të makinave bomba, duke lënë dhjetëra njerëz të vrarë dhe të plagosur.

Sulmet kanë pasur në shënjestër lagjet e banuara me shumicë shiite.

Agjencia AP citon policinë të ketë thënë se së paku 14 njerëz kanë vdekur.

Sulmet vijnë derisa irakianët shënojnë 11-vjetorin e rënies së regjimit të Saddam Husseinit.

Iraku ka parë rritje të dhunës vitin e kaluar, çfarë ka shtuar shqetësimet për ringjallje të konfliktit sektar.