Ndërlidhjet

Poroshenko: Propozime për decentralizim dhe amnisti


Petro Poroshenko (majtas) gjatë takimit të sotëm me presidentin amerikan Barack Obama në Varshavë
Presidenti i zgjedhur i Ukrainës, Petro Poroshenko, thotë se pas inaugurimit të tij, ai do ta paraqes planin e paqes, për ta përfunduar krizën në pjesën lindore të Ukrainës, ku do të përfshihet decentralizimi i autoritetit, një amnisti e gjërë dhe zgjedhjet për qeveritë lokale.

Poroshenko tha se këto plane i ka diskutuar me liderët e Shteteve të Bashkuara, Kanadasë dhe vendeve evropiane, gjatë vizitës së sotme në Poloni.

Sipas tij, këto bisedime do të vazhdojnë në Francë, ku pritet që liderët e ndryshëm të marrin pjesë në shënimin e përvjetorit të Luftës së Dytë Botërore.

Gjatë një konference për gazetarët në Varshavë të Polonisë, zoti Poroshenko tha, poashtu, se nuk është planifikuar ndonjë takim i tij me presidentin e Rusisë, Vladimir Putin, në Francë, por nuk e ka përjashtuar mundësinë që kjo të ndodhë. Zoti Putin gjithashtu merr pjesë në manifestimet në Francë.

Petro Poroshenko do të inaugurohet më 7 qershor.
XS
SM
MD
LG