Shqipëria është bërë vend kandidat për anëtarësim në Bashkimin Evropian.
Njëzetetetë anëtarët e bllokut kanë votuar pro gjatë mbledhjes së Këshillit Evropian për kandidaturën e Shqipërisë.
“Urime Shqipërisë për statusin! Njohje e përpjekjeve për reforma; nxitje për më shumë”, ka shkruar komisionari për zgjerim i BE-së, Stefan Fuleve në Twitter.
Shqipëria ka aplikuar për anëtarësim në Bashkimin Evropian më 28 prill të vitit 2009, gjatë kohës sa presidencën e radhës e mbante Republika Çeke.