Aktivistja libiane për të drejtat e njeriut, Salwa Bughaighis, është qëlluar për vdekje në shtëpinë e saj në Bengazi.
Burimet zyrtare kanë thënë se sulmi është kryer nga persona të panjohur, të veshur me uniforma ushtarake.
Familjarët kanë thënë se bashkëshorti i Bughaighisit ka qenë në shtëpi në kohën e sulmit dhe se tani është zhdukur.
Përgjegjësinë për sulmin nuk e ka marrë ende asnjë grup.
Bughaighis, avokate, ka qenë aktive në revolucionin e vitit 2011, që ka çuar në rrëzimin e liderit veteran, Muammar Qaddafi.
Ajo po ashtu ka qenë e njohur për mbështetjen ndaj grave dhe kundërshtimet ndaj grupeve militante islamike.