Luftëtarët e Al-Shababit kanë sulmuar një kompleks hotelier në Somali, ku janë të vendosur paqeruajtësit e Bashkimit Afrikan (BA).
Grupi i lidhur me Al-Kaidën ka thënë se ka vrarë disa ushtarë të BA-së, pasi ka sulmuar kompleksin në qytetin Bolubrade, rreth 200 kilometra në veri të kryeqytetit Mogadishu.
Ky pretendim nuk ka mundur të konfirmohet në mënyrë të pavarur.
Al-Shababi është tërhequr nga Mogadishu afro tre vjet më parë, por vazhdon ende të kontrollojë disa pjesë të Somalisë.