Këngëtarja, Lana Del Rey, ka arritur ta zë pozitën e parë në top listën e albumeve më të shitura në SHBA, ndërsa artisti i ri nga Britania, Sam Smith ka zënë pozitën e dytë me albumin e tij debutues, raporton Reuters.
Brenda një jave janë shitur 182 mijë kopje albumit, “Ultraviolence” të Del Rey.
Ky është albumi i dytë i kësaj këngëtareje, ndërsa në të përfshihet edhe kënga, “West Coast”.
Albumi i saj i parë, i publikuar në vitin 2012, “Born to Die” kishte shitur vetëm 72 mijë kopje brenda javës së parë të daljes në treg, dhe me këto të dhëna kishte arritur pozitën numër 2 në top listen e albumeve.