Gjermania, Shtetet e Bashkura të Amerikës dhe Algjeria kanë siguruar vendet e fundit në 16-shen e Kupës Botërore në futboll që po zhvillohet në Brazil.
Në ditën e fundit të ndeshjeve në grupe, Gjermania arriti fitore në përballjen me SHBA-të me rezultatin 1:0.
Sidoqoftë, të dy ekipet arriten të kualifikohen, derisa barazimi 1:1 i Algjerisë me Rusinë bëri që shteti afrikan t’i bashkohet Belgjikës së Adnan Januzajt në rundin e dytë të Kupës së Botës.
Ky rund do të nis nesër me përballjen e Brazilit me Kilin, ndërsa ndeshja e dytë do të jetë Kolumbia me Uruguain.
