Të premten, udhëheqësit e Bashkimit Evropian, gjatë samitit në Bruksel, kanë miratuar statusin e vendit kandidat për Shqipërinë.
Më 24 qershor, ministrat e jashtëm të BE-së kanë rënë dakord në Luksemburg për t’i dhënë unanimisht statusin e vendit kandidat Shqipërisë.
Komisioneri për Zgjerim, Stefan Fuele, ka qenë i pari që ka konfirmuar lajmin.
"Urime Shqipërisë për statusin! Njohje e përpjekjeve për reforma; nxitje për më shumë”, kishte shkruar Fuele në Twitter.
Shqipëria ka aplikuar për anëtarësim në Bashkimin Evropian më 28 prill të vitit 2009, gjatë kohës sa presidencën e radhës e mbante Republika Çeke.