Argjentina dhe Belgjika kanë arritur të kualifikohen për në çerekfinale të Kupës së Botës në futboll që po mbahet në Brazil, pas fitoreve të shënuara mbrëmë.
Argjentina e mundi Zvicrën me rezultatin 1:0, me golin e shënuar në pjesën shtesë të ndeshjes që u mbajt në San Paolo. Goli u shënua nga Angel Di Maria.
Belgjika në anën tjetër fitoi kundër Shteteve të Bashkuara të Amerikës me rezultatin 2:1 në ndeshjen që u mbajt në Salvador.
Edhe kjo ndeshje përfundoi në lojën shtesë, ndërsa golat për Belgjikën u shënuan në minutën e 92-të dhe 106-të, ndërsaq për amerikanët golin e vetëm e shënoj, Julian Green.
Çerekfinalja do të filloj më 4 korrik, kur Franca përballet me Gjermaninë në Maracana të Rios, derisa Brazili do të përballet me Kolumbinë në Fortaleza.
Argjentina do të përballet me Belgjikën më 5 korrik në Brasilia, dhe të njejtën ditë Holanda përballet me Kosta Rikën në Salvador.
