Gjatë një fjalimi të sotëm para mbështetësve të tij në Kabul, kandidati presidencial afgan, Abdullah Abdullah, ka pretenduar fitore në zgjedhjet e kontestuara presidenciale dhe për numrin e votave të tij, që e kanë lënë shumë prapa rivalit të tij, Ashraf Ghani, e ka fajëusar vjedhjen.
“Ne jemi krenarë. Ne i respektojmë votat e popullit. Ne ishim fitues”, tha Abdullah, para mijëra mbështetësve të tubuar që brohoritnin emrin e tij.
“Ne nuk do ta pranojmë rezultatin e vjedhjes, as sot, as nesër, kurrë”.
Por, zoti Abdullah ka kërkuar që vendi të mbetet unik.
“Ne nuk dëshirojmë luftë civile. Ne nuk dëshirojmë krizë. Ne dëshirojmë stabilitet, unitet kombëtar, jo ndarje”, tha Abdullah.