Presidentja e Kosovës, Atifete Jahjaga, po merr pjesë në Samitin Bërdo-Brioni, të tretin me radhë, që sivjet organizohet në Dubrovnik.
Mikpritës i samitit, që është një nismë e përbashkët e presidentëve të Sllovenisë dhe Kroacisë për të ndihmuar vendet e rajonit të Ballkanit Perëndimor në procesin e integrimeve evropiane, është presidenti i Kroacisë, Ivo Josipoviq, ndërsa në të po marrin pjesë presidentët e vendeve të rajonit.
Pjesëmarrëese në samit është edhe kancelarja gjermane, Angela Merkel.
Në fajlën e saj, presidentja Jahjaga ka thënë se agjenda kryesore e Kosovës është anëtarësimi në Bashkimin Evropian.
“Vendi im, Republika e Kosovës, është e vendosur që të lëvizë përpara. Ne kemi kaluar një pjesë të madhe të viteve të kaluara duke çimentuar demokracinë tonë - ne kemi konsoliduar institucionet tona, kemi siguruar funksionimin e tyre demokratik dhe pandërprerë kemi ndërvepruar me komunitetet tona minoritare për t’i integruar ato plotësisht në jetën politike dhe shoqërore të Kosovës”, ka thënë pos tjerash Jahjaga.