Ndërlidhjet

Ukraina akuzon Rusinë për përfshirje më të thellë


Ilustrim
Ilustrim

Qeveria e Ukrainës ka thënë se Rusia ka rol në një sulm ajror në lindje të Ukrainës, i cili ka vrarë së paku njëmbëdhjetë persona dhe ka plagosur disa të tjerë.

Separatistët pro-rusë kanë fajësuar Kievin për bombardimet e sotme, që kanë shkatërruar një ndërtesë me aparatmente në qytetin Snizhne.

Por, ushtria e Ukrainës ka thënë se avionët e saj nuk kanë fluturuar qysh dje, kur edhe është rrëzuar një aeroplan i saj.

Zyrtarët ukrainas kanë thënë se kanë prova se raketa që ka hedhur poshtë An-26-shin, ka ardhur nga territori rus.

Pretendimi i Kievit për përfshirje më të thellë të Rusisë në konflikt vjen një ditë para se liderët e BE-së të takohen për të diskutuar miratimin e sanksioneve të reja kundër Rusisë.

Ushtria e Ukrainës ka thënë se 258 ushtarë janë vrarë, mbi 900 janë plagosur dhe 45 të tjerë janë rrëmbyer gjatë fushatës ushtarake në lindje, që ka nisur tre muaj më parë.

XS
SM
MD
LG