Disa kompani ajrore ndërkombëtare kanë shpallur se aeroplanët e tyre do t’i shmangen fluturimit mbi Ukrainë, pasi aeroplani i kompanisë Malasyia Airlines u rrëzua në pjesën lindore të këtij vendi, ku forcat e qeverisë po luftojnë kundër kryengritësve separatisë prorusë.
Ushtria ukrainase dhe separatistët po e fajësojnë njëri-tjetrin për goditjen e aeroplanit.
Kompania Lufthansa e Gjermanisë, Aerofloti i Rusisë dhe Turkish Airlanes i Turqisë janë në mesin e kompanive që thonë se do t’i shmangen hapësirës mbi Ukrainë gjaat fluturimeve të tyre.
Qeveria e Francës i ka këshilluar kompanitë ajrore franceze që të mos kalojnë nëpër këtë hapësirë ajrore.
Aeroplani nga Malajzia me 295 njerëz, ishte duke fluturuar nga Amsterdami në Kuala Lumpur.
Aviacioni federal i Shteteve të Bashkuara, në muajin prill, u ka thënë kompanive amerikane që të mos fluturojnë mbi hapësirën ajrore të Ukrainës.
