Forcat e Izraelit po vazhdojnë ofensivën e tyre në Rripin e Gazës, dhe numri i viktimave palestineze vazhdon të rritet.
Sekretari i Përgjithshëm i OKB-së, Ban Ki-moon, tha se nga granatimet e forcave izraelite në një kompleks të udhëhequr nga OKB-ja, e përdorur si strehë, u vranë të pakten 15 palestinezë dhe u plagosen dhjetra të tjerë.
Ky sulm, tha Ban, ishte "skandaloz" dhe "i pajustifikueshëm".
Izraeli tha se militantët e Hamasit kanë shtënë me raketa afër kompleksit dhe forcat e Izraelit i janë përgjigjur me zjarr.
Zyrtarët izraelitë thanë se janë duke u fokusuar në shkatërrimin e tuneleve të militantëve palestinezë "që janë përdorur për sulme në Izrael”.
Zyrtarët e Gazës thonë se të paktën 1,361 palestinezë, shumica e tyre civilë, janë vrarë në territorin palestinez.
Izraeli ka humbur 56 ushtarë në përleshje dhe tre civilëve nga raketat palestineze që kur kanë nisur luftimet.
