Bashkimi Evropian sot i ka miratuar formalisht sanksionet e gjëra ekonomike kundër Rusisë, për shkak të rolit të Moskës në zhvillimet në pjesën lindore të Ukrainës.
Këto sanksione sot u publikuan në Gazetën Zyrtare të Bashkimit Evropian, që do të thotë se ato hyjnë në fuqi prej ditës së nesërme.
Në kumtesën e Bashkimit Evropian thuhet se masat e reja, për të cilat u arritë pajtueshmëria para dy ditësh, në shënjestër të tyre e kanë sektorin bankar, atë të mbrojtjes dhe të energjisë së Rusisë, për shkak të “aksioneeve të tyre destabilizuese për situatën në pjesën lindore të Ukrainës”.
