Shefi i ushtrisë së Libanit thotë se sulmi i militantëve islamik në qytezën kufitare të këtij vendi, Arsal, afër Sirisë që u bë të shtunën, dhe ka vazhduar deri të dielën, ka qenë i paramenduar.
“Ky sulm terrorist që ka ndodhur dje, nuk është sulm i rastit apo aksidental. Sulmi ishte planifikuar më parë, shumë kohë më parë, ndërsa ata kanë pritur për kohën e duhur, e që duket se ishte gjatë 48 orëve të fundit”, ka thënë Gjenerali Jean Kahwaji, gjatë një konference me gazetarë në Bejrut.