Izraeli i ka kërkuar ndihmë Kryqit të Kuq që ta gjej trupin e dy ushtarëve të vrarë në Rripin e Gazës, kanë njoftuar autoritetet izraelite.
Ata kanë thënë se kërkesa është dërguar te Peter Maurer, presidenti i Komitetit Ndërkombëtar të Kryqit të Kuq, i cili është takuar me kryeministrin izraelit, Benjamin Netanjahu gjatë armëpushimit me Hamasin që është ndërmjetësuar nga Egjipti.
Izraeli ka humbur 64 ushtarë gjatë luftimeve, në mesin e të cilëve edhe Shaul Oron dhe Hadar Goldin, të cilët janë zhdukur më 20 korrik, respektivisht më 2 gusht.
Autoritetet e Izraelit i kanë deklaruar të vdekur të dy në bazë të të gjeturave të forenzikës.