Në kryeqytetin Islamabad të Pakistanit janë vendosur ushtarët para marshit të paralajmëruar në ndërtesat administrative nga protestuesit antiqeveri.
Televizioni i Pakistanit ka transmetuar sot pamje të ushtarëve duke marrë pozicione afër së ashtuquajturës “zonë e kuqe”, ku janë të vendosura ambasadat perëndimore dhe ministritë kryesore pakistaneze.
Lideri opozitar, Imran Khan, dhe kleriku konservator islamik, Tahir ul-Qadri, i kanë udhëhequr dhjetëra mijëra protestues në marshin e tyre për në Islamabad.
Të dy protestat, që janë të ndara, synojnë përmbysjen e qeverisë së kryeministrit, Nawaz Sharif, të cilin e akuzojnë për korrupsion dhe mashtrime zgjedhore.
Zoti Khan sot është kërcënuar se do t’i prijë turmës së protestuesve në “zonën e kuqe” të Islamabadit, por qeveria kishte thënë se në këtë hapësirë nuk do të lejohen protesta.