Presidenti i Ukrainës, Petro Poroshenko, ka thënë se bisedimet me homologun rus, Vladimir Putin, në Minsk, dhe liderët e BE-së, po e “vendosin fatin e botës dhe Evropës”.
Deklarata e Poroshenkos është bërë në fillim të bisedimeve multilaterale që përfshijnë presidentin rus, Putin, Përfaqësuesin e Lartë për Politikë të Jashtme të BE-së, Catherine Ashton, presidentin bellorus, Alyaksandr Lukashenka, dhe presidentin e Kazakistanit, Nursultan Nazarbaev.
Poroshenko gjithashtu ka thënë se ai do bëjë përpjekje për arritjen e “kompromisit politik”.
Ai ka thënë se forcimi i kufinjëve të Ukrainës me Rusinë dhe ndalimi i furnizimit me armatim të rebelëve prorusë në Ukrainën lindore do të hapnin rrugë për paqe.
Putin ka thënë se kriza e Ukrainës, mund të zgjidhjet vetëm përmes bisedimeve në mes të Kievit dhe përfaqësuesve të separatistëve.