Zyrtarët e Bashkimit Evropian janë pajtuar për sanksione më të fuqishme kundër Rusisë, për shkak të rolit të saj në pjesën lindore të Ukrainës dhe këto masa duhet të implementohen më 8 shtator.
Diplomatët thonë se në sanksionet e reja, përfshihet një listë e zgjeruar e zyrtarëve rusë dhe ndalimi i udhëtimit në BE, pastaj bllokimi i pasurive, kufizime kreditore për kompanitë ruse dhe ndalim i eksportit për prodhime, që mund të përdoren edhe për qëllime ushtarake.
Nga ana tjetër, diplomatët thonë se sanksionet mund të pezullohen nëse armëpushimi ndërmjet Kievit dhe separatistëve prorusë, i arritur dje më herët gjatë ditës, do të respektohet dhe nëse Moska i tërheq trupat e saj nga Ukraina.