Pentagoni thotë se sot kanë filluar sulmet ajrore afër pendës strategjike, Haditha në Irak, që ishte nën kërcënimin e militantëve të Shtetit Islamik, prej muajit qershor.
Mëtutje, Departamenti i mbrojtjes i Shteteve të Bashkuara, ka njoftuar se sulmet ishin lansuar me kërkesën e qeverisë së Irakut, në mënyrë që “të parandalohen terroristët që mëtutje t’i kërcënojnë” forcat e sigurisë së Irakut, që aktualisht e kanë nën kontroll këtë pendë, ku gjendet hidrocentrali më i madh për prodhimin e rrymës elektrike në këtë vend.
Sulmet e sotme ajrore amerikane paraqesin hapje të një fronti të ri në ofensivën kundr militantëve, meqë sulmet e mëparshme ishin të fokusuara në caqet e militantëve në pjesën veriore të Irakut.